كورس أى سى دى إل – ICDL مجاني بشرح فيديو

أنا من فتره عمال بفكر فى سلسله دروس جديده.

أحنا اتعلمنا فى الدروس اللى فاتت حاجات اساسيه و أعتقد أن اللى أتفرج عليهم بيقدر دلوقتى يعمل ايميل و يقدر يتصفح المواقع بسهوله و يسر, من الدرس دا أحنا هانحاول نكون كويسين فى إستعمال الكمبيوتر و الانترنت سوا بمعنى, إنى قررت إنى أشرح دورات ICDL وأكيد كل واحد سمع عنها او حتى ممكن فى ناس أخدت كورسات فيها وأنا هنا هاشرح للناس اللى معندهاش وقت فاضي تروح فيه كورسات او مش طالبه معاهم ياخدو كورس , أحنا هنا هانشرحها فيديو و هابسطها على قد ما ققدر بس أدعولى يبقى وقتى كويس علشان ققدر أحط دروس مكثفه علشان ال ICDL كبيره و بتاخد وقت و لو قدرنا اننا نخليها تكتمل هاتبقى مفيده للمستخدم العربى فى مجال الانترنت و الكمبيوتر و اللى أصبحوا مطلوبين فى أى مكان دلوقتى .

وبدل ما تاخد كورس و تقرف نفسك أنت ممكن تتفرج على الفيديوهات هنا وتطبق على الشرح و إن شاء الله تعدى الامتحانات بسهوله وتاخد الشهاده من غير ما تدفع الا هو تمن دخول الاختبار يعنى هاتوفر وقتك و فلوسك برده و مش خسران حاجه و اللى عايز يستفسر عن حاجه يقدر يسأل عليها فى التعليقات.

أول حاجه لازم نعرفها, إيه معنى ال ICDL ??

شهاده أى سى دى ال بمعنى الرخصة الدولية لقيادة الكمبيوتر وبتبقى معترف بيها فى كل بلاد العالم.

يمكنك الأختيار من اى من المواد التاليه بالضغط عليها, لتشاهد كل دروس الكورس.

الفكره دى كانت من واحد إسمه هانى وهو أسكندرانى جدع جدا, و هو اللى أقترحها عليا شكرا
يا هانى نيابه عن الناس اللى هاتستفاد.

أنا عارف إن الدروس قليله بس اعذرونى لأنى شغال فى المدونه لوحدى وعارفين بقى الكسل بتاع الواحد فى الصيف بس انتظروا حاجه كويسه فى الشرح و النقاء . الدروس اللى فاتت كنت بحاول ققل حجمها لأنها صغيره و ممكن تتفهم مع نقاء مش قد كده .
الدروس اللى جايه انا هاخلى نقائها عالى بس مساحتها هاتبقى كبيره ودى هايخليها تاخد وقت عقبال ما تحمل بس هاتفرق جدا لما تشوفوا الشاشه باينه و الشرح عليها باين برده .

وشكرا