Archive for the ‘مقالات’ Category
الانترنت عباره عن شبكة معلومات مدعمه بالصوت و الصوت.
يعنى الانترنت و اللى ممكن نختصره بكلمه النت اللى معناها الشبكه زى صندوق العجايب هتلاقى فيه اى حاجه تقدر تلاقى فيه مثلا موقع للأغانى او للأفلام أو للطب او لأبحاث الفضاء أو ……… إلخ إلخ إلخ.
*بنسمع كتير عن دى اس ال سرعته 256 أو 500 أو 1 ميجا او 2 ميجا ايه الفرق؟
*دى اس ال سرعته 500 كيلو معناها: ان انت هاتنزل من النت اى حاجه بسرعه 50 كيلو فى الثانيه.
*دى اس ال سرعته 1 ميجا معناها: ان انت هاتنزل من النت اى حاجه بسرعه 100 كيلو فى الثانيه.
*دى اس ال سرعته 2 ميجا معناها: ان انت هاتنزل من النت اى حاجه بسرعه 200 كيلو فى الثانيه.
وطبعا اسعار الخدمه بتزيد مع زياده السرعه.
طيب عرفنا دلوفتى الفرق بين الDialup , DSL و عرفنا أن علشان ندخل على النت بنقوم بالأتصال و بنفتح صفحه نت او زى ما فى ناس بتسميه متصفح.
فى الصفحه اللى قدامك دلوقتى فى 3 قوائم افقيه:
والمره الجايه بتدوس على المفضله هاتلاقى الصفحه نزلت فيها جرب دلوقتى و شوف النتيجه.
2-لقائمه التانيه و هى اهم واحده :
Back ودا معناه الرجوع للصفحه اللى فاتت
Front ودا معناه التقدم للصفحه للأمام يعنى لو عملت back هاترجع للصفحه اللى فاتت طب لو حبيت ترجع للى كنت فيها ؟ تدوس على Front
Stop ودا من أسمه معناه قف لو فتحت موقع و لسه بيحمل و مش عايزه يكمل تقدر تدوس على stop
Refresh ودا لو موقع وقف مثلا او موقع مفتحش تدوس على الزرار دا علشان تنعشه 
Home ودا بيخليك تروح على الصفحه اللى النت بيفتح عليها كل مره .
و دول أهم ما فى القايمه التانيه.
ودا اللى بتحط فيه عنوان اى موقع اللى فى الصوره باللون الاحمر و بيبقى غالبا تحت القائمه التانيه.
طبعا فى حاجات كتير كان ممكن تتشرح بس هنا احنا بناخد القشور .
اى حد يديلك موقع معين دلوقتى انت عرفت انك هاتاخد العنوان و تحطه فى ال Address bar
>
ولو مفيش وجود للموقع دا هايجيبلك صفحه بيضاء مكتوب عليها page cannot be displayеd
Posted in 
Tags: 
واللى خلاهم من اشهر المواقع أن لكل موقع برنامج دردشه من خلاله تقدر تضيف أصحابك اى تتعرف على ناس من خلالهم وأى موقع منهم أو غيرهم بيطلب نفس المعلومات تقريبا وهانشوف سوا بالصور ايه اللى بيتطلب مننا علشان نعمل ايميل على اى واحد منهم…
المربع اللى فى الخانه اللى تحت فيه حروف و ارقام هانكتبها فى المربع دا .
وشرح الميل و مكوناته هايبقى درس تانى المهم دلوقتى اننا نعمل ايميل
وعموما البريد اللى بيجيلك بتدوس على inbox علشان تشوفه زى المكان اللى فى الصوره دى.
Sign up و ندب المعلومات بتاعتنا …
لأن فى برامج زى ما قولنا مش هاينفع اسجل فيها الا اذا كان عندى ايميل على الموقع الخاص بيها وليه لأ ؟ أى ايميل خدمه مجانيه على المواقع دى يعنى مش هاياخد أكتر من 3 او 4 دقايق من وقتك . وياريت لو نتدرب دلوقتى على الدرس علشان ما ننساهوش ..
دا درس اذاى أعمل ايميل يا ريت لو حد عنده استفسار يبعتهولى كتعليق علشان كله يستفاد ,وعلى فكره انا عارف ان فى ناس كتير بتعرف اذاى تعمل ايميل بس برده فى ناس ما تعرفش اذاى تعمله .
إبحث على الجانب الأيمن على جملة ( ضع إيميلك ليصلك الدروس عبر الايميل ) و ستجد اسفلها خانة فارغة و تتبع الخطوات التالية:
1-زى ما شايفين فى الصوره رقم واحد بحط الايميل بتاعى فى المكان الفاضى دى و بختار Subscribe.
2- قم بإدخال الرموز الموجوده داخل المكان الفاضي و تكون بنفس الشكل دون مسافات بينها.
3- سيصلك إيميل تأكيدى على البريد الذى قمت بوضعة, و كل ما عليك هو أن تقوم بفتح هذه الإيميل. و اختيار أول لينك بها لتأكيد رغبتك فى التسجيل فى الخدمة عن طريق إيميلك.
5- تظهر لك رسالة تفيد تفعيل الخدمة لهذه الإيميل.
يمكنك تطبيق نفس الخطوات بأى موقع أو مدونة بها خدمة RSS
إقرأ المزيد
1-ما هو الكمبيوتر ؟ ( ودا الدرس السابق)
2- ما هى أجهزه الإدخال (Input )؟
3- ما هى أجهزه الإخراج (Output ) ؟
4- الشبكات .
5- مقدمه فى الانترنت.
.. دول هايكونوا درس المره دى ..
2- ما هى أجهزه الإدخال (Input) ؟
1- لوحه المفاتيح
Keyboard .
Mouse . 4- ميكروفون Microphone .
- الخاصه باللأب توب – Touch pad . 
Joy Stick. 
Digitizer . 
Wacom . 
Touch Screen. 
Dgital Camera.الخ الخ الخ
دى ببساطه وحدات الادخال و دى وظيفتها انها بتدخل المعلومات و البيانات للجهاز .
أما عن واحدات الاخراج تقدر تقول عليها انها الواحدات اللى بتخرج البيانات و المعلومات المطلوبه من الجهاز :
1-
الشاشه Monitor .
3-السماعات
Speakers . 
بأنواعها Printers واللى نقدر نقولهم :Laser printers طابعات الليزر – Inkjet printers طابعات الحبر – Dot Matrix printers طابعات المصفوفه النقطيه .
-ايه هى الشبكه ؟
الشبكه بتاعه الصيد بتبقى عباره عن خيوط كلها متصله ببعضها .بالظبط زى شبكه الكمبيوتر بمعنى أن الشبكه هى ربط أو توصيل أكتر من كمبيوتر ببعض .
يعنى الشبكه تكون بين جهازين او اكثر تتصل ببعضها البعض بأسلاك أو خطوط الهاتف أو ألياف ضوئيه لتبادل الموارد .
1-مشاركه الموارد. 2-الاتصال بالأجهزه الاخرى. 3-مشاركه المعلومات.
وفى منها نوعين :
1- الشبكه المحليه : (LAN) ( Local Area Network)
2- الشبكه الواسعه النطاق (WAN) (Wide Area Network) -إيه هو (workgroup computing) أو مجموعه العمل للأجهزه ؟ - من مميزات مجموعات العمل للكمبيوتر تقريبا تقدر تحط كل مميزات الشبكات : هناك بعض التعاريف هايبقى احسن لو اخدنا عنها فكره علشان ما نبقاش زى الطرش فى الزفه: - الفاكس - المودم - (ISDN ) -الأقمار الصناعية البريد الإلكترونى (E-mail) :
يعنى انت فى الشغل لو عندك أكتر من جهاز فى المكتب اللى انت فيه, و حبيت تنقل ملف من كمبيوتر لكمبيوتر تانى هاتعمل ايه ؟ هاتنسخه على سى دى CD أو هاتوصل الهارد ديسك ببعض أو بفلاشه Flash Diskو دا طبعا مش متاح لأنك مش فى بيتكم دا أنت فى شركه محترمه و أكيد فى ضمانات على الاجهزه و بالتالى إن ربطهم بشبكه واحده حاجه بتوفر الوقت و المجهود و المال و قد تكون بين جهازين أو أكثر .
معناها إن مجموعه من المستخدمين للكمبيوتر ممكن إنهم يشاركوا مصادر معلوماتهم سوا , لو إنت فى جرووب وحاطط Options ( أختيارت ) معينه لصفحه الطبع للطابعه (Printer) بتبقى للجروب كله يعنى لو أى جهاز من الاجهزه دى حب يطبع أى ورقه هاتطبع تقائيا بالاختيارات اللى إنت محددها للجروب.
1-توفير الوقت. 2- توفير المجهود. 3- توفير الاموال . 4-العمل المنظم.
Telex :
قول للزمان إرجع يا زمان ( الله عليك ) أنا عن نفسى كنت أسمع عنه فى فتره بس ما افتكرش انى اتعاملت مع التلكس وجها لوجه, و دا بقى يا بوب بيقولك كان ياما كان كان اخترعوه لإرسال الرسائل عن طريق بكاه التلكس و تقدر تقول إنه إنقرض دلوقتى لأن فى إيميل إلكترونى و فاكس .
Fax:
الفاكس جهاز يجعلك قادر على إرسال رساله مطبوعه او اى مادى مطبوعه على ورق من خلال الإتصال بخط التليفون و من ثم يقوم جهاز الفاكس المستقبل لهذه البيانات لتحويلها من إشارات إلى ماده مطبوعه على ورق , يعنى كأنك بتصور ورقه عند بتاع التصوير هو بيعمل ايه ؟ بيحط الورقه و بتتمسح ضوئيا و بتتعاد طبعها, هو بقى دا نفس الكلام بس بعد ما يمسحها ضوئيا بيبعت البيانات بتاعتها او الشكل بتاعها كإشارات للفامس المستقبل اللى بيحول الاشارات لطباعه. و الاجهزه دلوقتى بتاعه الكمبيوتر تقدر تجيب ليها كارت فاكس و تقدر تشغله إنك تستقبل و تبعت فاكس و على فكره لما بتتصل بالنت و بتسمع الاصوات الغريبه دى بتبقى نفس الاصوات اللى هاتسمعها لما تيجى تبعت فاكس.
Modem :
ودا اللى متاخد من كلمه MODulate والمودم وظيفته إنه يرسل البيانات عبر خطوط التليفون لجهاز تانى و اللى يستقبلها عن طريق المودم الخاص به أى ارسال و استقبال الاشارات و التى يترجمها المودم إلى بيانات .
- (Integrated Service Digital Network) :
أى إس دى إن و معناها الشبكه الرقميه للخدمات المتكامله ودى بتسمح بتبادل البيانات أسرع من أجهزه المودم العاديه و بتبقى من 64 إلى 128 kb كيلو بت فى الثانيه.
Satellites:
يعنى التقدم كله بمعنى انك تبقى على النت و بتتصل بأى دوله و بتدخل على النت من اى دوله, يعنى التقدم, يعنى التكنولوجيا .
ومن فوائد البريد الإلكترونى (E-mail) هو سرعته العاليه, توفير المجهود, لا يحتاج إلى خبره, إمكانيه الإرسال لأكثر من شخص فى المره والواحده إنك فى شركتك لو عندك شبكه زى اللى إتكلمنا عنها فوق تقدر بسهوله إنك تعمل نظام رسائل خاص بالشركه ومفيش حد يقدر يستعمله من برا الشركه. أما النظام التانى وهو انك تدخل على النت و تبعت ايميل لأى حد على النت و تقدر تستقبل ايميل برده من اى مكان فى العالم . الأنترنت Internet : الانترنت شبكه على مستوى العالم تتيح لأى شخص الاتصال بها من اى دوله فى العالم و تتيح له الوصل لمعلومات و بيانات هائله و متخصصه فى أى مجال وسرعه كبيرهوالتى تعتبر ميزه كبيره. وهذه المميزات جعلت الانترنت فى الصداره كشبكه تخدم كل المستخدمين : الباحثين و مجالات الافاده فى ابحاثهم فبدلا من البحث فى مجلدات يمكنه ان يبحث بواستطه كلمه فى محرك بحث. الشركات التى تعرض منتجاتها على الانترنت و تقوم بالتسويق له و بيعه. المستخدم العادى و الذى أصبح يمكنه أن يشترى احتياجاته كلها من على الانترنت . فى اكتر من موقع بأكتر من أسم طب اعمل ايه ؟ دى فايده محركات البحث اللى موجوده على الانترنت و اللى فيها بتتحط المواقع و تتحفظ بطريقه تقدر تدور بعد كده فى الموقع دا عن كلمه يوريلك المواقع الموجوده اللى اتذكر فيها الكلام دا أمثله على محركات البحث العالمية : جوجل: ياهوو: ألتافيزتا: ودى تعتبر من أهم و أشهر محركات البحث . أما عن مكتشف الانترنت (Interner Explorer) فدا حاجه زى الويندوز و تقدر من خلاله تصفح الانترنت وهاتلاقى درس موجود على المدونه على استخدام Internet Explorer المتصفح . دى كانت نبذه صغيره على النت لحد ما هاناخد ماده لوحدها عن النت فى الاخر. الحمايه وحقوق الطبع لأستخدام الانترنت : فى ناس متسللين و اللى بيحبوا يتلصصوا او يدمروا اجهزه اخرى و اللى بيطلق عليهم ( هاكرز ) (Hackers) ودول فى منهم مجموعات بتبتذ ناس من خلال الحصول على معلوماتهم الشخصيه و ملفات مهمه من أجهزتهم أو تدمير شركات من خلال الحصول على معلومات عن نظامها و اختراق شبكاتها و تدمير البيانات,دا اللى يخلينا لازم ناخد بالنا كويس ووضع جهاز امنى عالى على الاجهزه فى حاله وجود ملفات مهمه او بيانات سريه و توصيلها بالانترنت. غير كده ولا كده فى الفيروسات اللى النت مليان بيها يعنى ممكن موقع تدخله وميكنش عندك أنتى فيرس كويس يحملك فيرس و بالشفا يا ريس, ( فى على المدونه درس عن الانتى فيرس و اذاى تتأكد من سلامه جهازك من غير انتى فيرس على النت ), وقد تتم سرقه كلمات المرور الخاصه بالايميلات أو كلمه المرور الخاصه بالفيزا كارد Visa Card و هو ما يعتبر عمل إجرامى بالطبع . طب نعرف حاجه مهمه إيه هى الفيروسات دى ؟ عامله اذاى يعنى ؟ شكلها ايه ؟ الفيروسات دى عباره عن برامج صغيره يعنى أوامر محطوطه بنظام فى ملف و لما بيوصل جهازك و يشتغل بيبدأ ينتشر حسب نوعه يعنى فى في طب احمى نفسى اذاى ؟ ثالثا : لو فتحت ايميل و فيه مرفقات و شاكك فيه, ما تفتحهوش علطول احفظه على الجهاز و بعد ما تعمله سكان بالانتى فيرس Antivirus وتتأكد من سلامته تقدر تفتحه . رابعا : لما تنزل اى برنامج نزله من موقع موثوق فيه علشان ما تتبعتش لأن حتى برنامج الانتى فيرس اللى هاتنزله ممكن يكون مضروب بفيروس يعنى لازم تتأكد الاول من الموقع . خامسا : النسخه الاحتياطيه للبيانات و المعلومات المهمه على جهازك . انت دلوقتى شغال على الكمبيوتر وعمال بتكتب عليه ابحاث او بتحط فيه معلومات و بيانات بقالك فتره عمال بتجمع فيها من الانترنت شويه من صحابك شويه و بتشترى شويه, لو لقدر الله الكمبيوتر باظ أو الهارد ديسك Hard Disk اتحرق هاتعمل ايه ؟ أكيد هاتكسر الكمبيوتر من الغيظ . طب فى حاجه أسهل من كل دا أنت ممكن تعمل Backup يعنى نسخه أحتياطى ودى على الاقل مش هاتعيد كتابتها او هاتجمعها تانى لأ دا دى انت بس هاتعمل نسخ للبينات اللى عندك و تريح دماغك و تقوم بعض الشركات بعمل هذه النسخ الاحتياطيه Backups ووضعها على أقراص مرنه و الاحتفاظ بها بمكان أخر و قد يحدث أن تقوم بعض الشركات الكبيره بأستخدام الانترنت لوضع معلوماتها عليه وهناك نظامان لعمليه النسخ الاحتياطيه للبيانات التى توضع على جهاز الكمبيوتر : 2-النسخ الاحتياطى التزايدى : - حقوق النسخ Copyrights : فى حقوق نسخ للبرامج بمعنى أن الدنيا مش حلوه أوى كده لأ دا فى حاجه اسمها حقوق نسخ و تحت القانون يعنى مثلا أنك ما تقدرش تنسخ او تبيع او تنسخ أى عمل ليه حقوق نسخ الا اما تاخد إذن مسبق من صاحب حقوق النسخ, بس دا طبعا ما بيحصلش . لأن ببساطه أى حاجه بتاخدها من النت برامج مثلا بتكون بفلوس وانت بتنزلها من منتدى او اى موقع مع الباسوورد بتاعتها دا ضد حقوق النسخ و اللى مشهور فى مصر انهم بيقفلوا الانترنت كافيه تبع المصنفات علشانه لأن ببساطه معندهومش نسخه ويندوز أصليه و اى برنامج على الجهاز نفس الحكايه المهم يعنى انا بس حبيت اوضح ايه هو حقوق النسخ أهمها أنواع تراخيص البرامج : 2-برامج تجريبيه (Shareware) ودى بقى يا برنس جر رجل بمعنى ان الشركه تخليك تشغل البرنامج او تنزله من النت عادى جدا لكن لفتره معينه لحد 15 يوم مثلا او شهر او اى فتره زمنيه معينه و بعد كدهع بيقفل و ما ينفعش تشغله الا لما تشتريه و فى برامج بتنزل من غير فتره معينه بس شايلين منها خصائص مهمه و يقولك اشترك و احنا نفعلهالك . وقانونا لو نزلت اى برنامج من النت لازم تشوف ترخيصه ايه بالظبط .
هناك نوعان من الايميلات, الايميلات أو الرسائل الداخليه و الايميلات و الرسائل التى تكون ع
لى المستوى العالمى بمعنى :
من عيوب الايميل ما يسمى بال (Spam) وهى ما يصلك عن طريق الايميل من إعلانات و كثرتها تضايق المستخدم لأنها تكون خادعه على قدر الإمكان وهى تكون عادة عن موقع معين قد يكت لك انك ربحت معهم او سيصلك أشياء إن اشتركت و عندما تشترك تجد انك خدعت و ذهب وقتك هباء لأن مثل هذه الشركات ترسل لك إعلانات بعد ذلك تستفيد هى منها و تنزعج انت.
طب انا دلوقتى عايز ادور عن اى حاجه وعلى فكره تأكد إن أى حاجه هاتلاقيها على النت , المهم أنا دلوقتى عايز اعمل بحث عن حاجه معينه اعمل ايه ؟
روسات مصممه لإحداث فوضى فى الجهاز و تانيه بتخلى الجهاز مليان بملفات ملهاش لزمه و تانيه بتعطل اهم الوظائف فى الويندوز المهم انه هايخنقك و من اعراض الفيرس مثلا ( بطىء الجهاز- مسح ملفات معينه – ظهور ملفات غريبه )و الفيروسات بتقوم بنسخ نفسها تلقائيا على الجهاز و غالبا مش هاتلاقى فيروسات الا على الملفات اللى امتدادها EXE. لأنها بتلحق نفسها بالملفات اللى بتشغل البرامج علشان كل مره تشغل فيها البرنامج بيشتغل فيها الفيروس بنسخ نفسه او تنفيذ بعض الاوامر علشان كده لما بتاخد ملفات من واحد صاحبك او تنزله من النت و تشغله لو فيه فيرس مش هاتلاحظ الا بعد مرور فتره و ممكن تضطر لأنك تمسح ملفات و برامج كتير الفيروس ضربها وهنا بتيجى اهميه النسخه الاحتياطيه Backup .
أولا : تلاقى انتى فيرس قوى و معروف و ماتجربش انتى فيرس جديد لأنك مش محتاج تقعد تجرب كل شويه برنامج شكل ممكن يكون خفيف و سريع بس ملوش لزمه , انتى تنقى انتى فيرس و تعمله update لأن كل فتره بتبان فيروسات جديده و بينزلولها حلول ودى برده سهله انك تتأكد من فاعليه الانتى فيرس بتاعك من الدرس الموجود على المدونه
ثانيا : ما تفتح ايميلات من النت بمرفقات انت مش عارفها حتى لو من عنوان واحد صاحبك لأن فى احيانا فيروسات بتبعت نفسها لوحدها مجرد انك فتحت الايميل بتبعت نفسها من ايميلك لكل العناوين اللى عندك.
التأمين و النسخ الاحتياطى :
ودا بتاخد اللى على الهارد ديسك كده هيله بيله كله عامل على باطل و بتتنسخه .
دا للناس المنظمه أو الشركات المحترمه بمعنى أنك بتقوم بعمل نسخ احتياطيه كل فتره زمنيه معينه أسبوع مثلا و عمل نسخ احتياطيه كل يوم للملفات حديثه الانشاء و الاضافه للنسخ الاحتياطيه بنظام . و هناك اكثر من برنامج يمكنك من عمل هذه النسخ الاحتياطيه و كل ما عليك هو ان تختار اى النظامين تريد و تسيب الباقى عليه.
1-برامج مجانيه ( Freeware ) ودى مجانيه بس ممنوع تدخلها تبع برنامج تانى او تعمل على تطويرها ,
أول مادة ها تبقى فى الأى سى دى أل ICDL :
1-ما هو الكمبيوتر ؟ ( ودا درس النهارده )
2- الشبكات .
3-ما هى أجهزه الإدخال (Input )؟
4- ما هى أجهزه الإخراج (Output ) ؟
5- مقدمه فى الانترنت.
دى أول ماده و هى غلسه شويه لأنها نظرى شويه بس اهو بقى هانعمل ايه ؟ لازم تعرفوا المواد كلها, والماده دى بتعرفك من البدايه ايه معنى الكمبيوتر أساسا ؟, و ايه الشبكات و تعتبر طبعا حاجات اساسيه جدا جدا بس لرده ممكن تلاقى حاجه مكنتش تعرفها و علشان ما تتخنقش خدها كأنها معلومات عامه مش اكتر و بحيث تقدر تجاوب بعد كده الامتحان بتاعها و انت مطمن .
ما هو الكمبيوتر ؟
شاشه و جهاز ؟ أكيد لأ
بيقولك يا سيدى ان الكمبيوتر دا عباره عن أله ألكترونيه وبها وحده معالجه بيانات , للحصول على معلومات مفيده وقابله للتخزين و إجراء جميع العمليات الحسابيه و المنطقيه بدقه و سرعه عاليه تتم وفقا للبرامج الموجوده عليه.
طبعا دا مش تعريف اللى هو انت تحفظه ظهرا عن قلب , لأ دا تعريف تفهمه بحيث انك تقدر تعبر عن الكمبيوتر لما يسألك من وجهه نظرك من خلال فهمك للأجابه دى, و على فكره ما اعتقدش انه ممكن يجيبلك اساسا سؤال عرفلى الكمبيوتر علشان كده افهموه ما تحفظهوش .
طب و ايه هى مجالات الكمبيوتر ؟
طب بالذمه دا سؤال ؟ يعنى دا انت لو قلتله الحاجات اللى انت شايفها قدامك بس هاترصله بتاع 10 سطور .
انت بتتعلم دلوقتى على ايه ؟ ( مجالات التعليم ) .
وانت دلوقتى جبت دروسى دى منين ؟ ( مجالات الاتصال ).
انت لما دفعت تمن اشتراك النت دا حصلوه و عملو بيه ايه ؟ ( مجالات التجاره )
لما هاتذهق من الدرس و ال أى سى دى أل ICDL كلها هاتقوم قافل الموقع دا و هاتلعب او تشوف فيلم مثلا ؟ ( مجالات الترفيه ).
والاداره , الحكومه,التسويق , الطباعه , الاعلانات , الصحه,الصناعه,الزراعهالصحافه,…… إلخ إلخ
وبالتالى لا توجد اى مؤسسه أو شركه أو مكتب من أجهزه الكبميوتر . و اصبحت المنازل كلها تقريبا تمتلك اجهزه كمبيوتر.
ما هى أنواع الكمبيوتر ؟
1- الكمبيوتر الشخصى . (Personal computer)
دا الجهاز العادى اللى عند اى حد
2- كمبيوتر الشبكات .(Work station)
ودا لما يكون اكتر من جهاز متوصلين مع بعضهم فى شبكه حتى لو مش شبكه الانترنت ومن خلال هذه الشبكه يمكنهم تبادل الملفات والمعلومات الموجوده بالشبكه .
3-الكمبيوتر المركزى ( العملاق ) ( Main frame computer): 
ودى اللى بيستخدموها فى الشركات الكبيره للتأمين مثلا او البورصه اللى بتتطلب إمكانيات أعلى من إمكانيات الجهاز العادى وتقنيات أكبر, لأنه عالى التكلفه ويعتمد على نظام قوى ويتحمل أكبر عدد ممكن من المستخدمين الذين يستخدمون وحدات طرفيه تتصل بالجاهز المركزى
4-الكمبيوتر المتوسط:
ودا شبه المركزى بس ققل فى الامكانيات شويه و طبعا فى السعر .
5- الكمبيوتر المحمول ( Laptop ): ويمتاز بسهوله حمله لأى مكان والعمل عليه من دون مصدر طاقه لمده معينه ولذلك فهو اغلى من الكمبيوتر الشخصى . 
والكمبيوتر يمكن تقسيمه الى جزئين:
А-جزء الهارد ووير Hardware)).
و المقصود به أى شيء بالجهاز يمكن لمسه باليد سواء إلكترونيه أو كهربيه .
يعنى اى حاجه تلمسها دى اسمها هاردوير
شاشه, لوحه مفاتيح, ماوس , سماعات, روتر, بروسيسور,مروحه البروسيسور,الباور سابلاى, الماذر بورد, أى كرت من الكروت الموجوده على الماذر بورد. كله كله
الأجزاء الرئيسيه للكمبيوتر (هاردوير) : هاناخدها بالترتيب اللى قدامك دلوقتى على الجهاز علشان ماتنساش حاجه منهم و تعرف وظيفه كل جزء.
1-الشاشه.
وهى كأى شاشه تلفزيون والتى تعرض البرامج, و منها مقاسات متعدده مثلا : 14 بوصه 16 18 21 بوصه و الشاشات الحديثه يوجد بها فلتر للأشعه ولكن بالطبع لا ي
حجب كل الاشعاعات و هى مضره للعين و بالتحديد لسائل العين الذى تجففه علشان كده عينك بتحر لما بتقعد قدام الجهاز كتير .
2-الكيسه (The System Unit) اللى هى بالعربى وحده النظام. 
هى الصندوق الصاج اللى على الشمال جنب الشاشه دا و فى أجهزه محترمه بتبقى الوحده دى تحت الشاشه زى اجهزه ال , DEL,IBM, APPLE, GATEWAY و غيرها من الشركات المحترمه لكن صنع فى الصين او التايوانى الحلو زى اللى انا شغال عليه دا هاتلاقيها جنب الجهاز و دا مش بيفرق فى المكونات فى اى حاجه يعنى نفس تركيب دى هى نفس تركيب دى بس الفرق ان اللى واقفه الماذر بورد بتبقى واقفه و التانيه بتبقى نايمه
بس, و وحده النظام دى تعتبر هى جهازك لأن جواها مثلا: الماذر بوررد( اللوحه الام ) واللى بيبقى فيها او راكب عليها بمعنى ادق كل الكروت بتاعه الجهاز و بتوصل الكروت بالهارد ديسك و بيركب عليها البروسيسور و مفيش كرت ملوش صله بيها كله متركب عليها او واخد وصله منها زى الهارد ديسك او الCD Room و ال DVD .
2- الماذر بورد .
لوحه داخل وحده النظام و تتصل بجميع مكونات الكمبيوتر بشكل مباشر أو من خلال كابل وتضمن وحده المعالجه الرئيسيه ( البروسيسور ).
هاتلاقى زى الصوره دى كده
3-وحده المعالجه الرئيسيه (The Central Processing Unit): 
من أهم مكونات الكمبيوتر ودا اهميته انه بياخد أوامرك عن طريق نظام التشغيل او البرامج و بيترجمها للغه الكمبيوتر و بيحولها لأوامر و بيطلعها مخرجات فى وقت قليل جدا و بتعتمد على قوته و سرعته اللى بتتقاس بالميجا هرتز (MHz) و كل ما بقى سرعته اعلى دا معناه انه اسرع طبعا.
هاتلاقى جنب وحده المعالجه الرئيسيه دى شريط طويل شويه كده لونه اخضر و ملزوق عليه مقاومات سودا دى بقى يا برنس أسمها ( ذاكره الوصول العشوائيه ) (Random Access Memory )
(RAM ) الرامات يعنى بمعنى اسهل هى الذاكره اللى بتاخد كل التطبيقات اللى انت بتقوم بيها على جهازك زى الويندوز وهو بيحمل او أى برنامج شغال عليه لحد ما تحفظه على الجهاز و اللى بيتحفظ على القرص الصلب ( الهارد ديسك ) و كل ما زادت الرامات كل ما كان أفضل لأنها بدورها هاتسرع جهازك, علشان كده لو عندك رامات قليله هاتلاقى جهازك بطىء و بيقف كتير من الاخر هايخنقك و بتقاس بالميجا بايت (Мb) .
5-مزود الطاقه (Power Supply) الباوور صابلاى. ودا هاتلاقيه صندوق صغير على الشمال فوق لما تبص على وحده النظام وهاتلاقى طالع منه أسلاك كتير أوى (احمر و اسود واصفر ) دا مهمته أنه بياخد الكهرباء و يحولها من 220 فولت او 110 حسب الدوله علشان يطلعها بفولتات قليله حسب استعمال الوحده المعالجه ليها.
6- القرص الصلب (Hard Disk ) الهارد ديسك اظن كلنا عارفينه وهى المساحه الاساسيه بجهازك و تستخدم فى تخزين البرامج و نظام التشغيل نظرا لسرعتها فى التعامل مع الملفات المحفوظه بها .
وهى تسمح لك بتشغيل الاقراص المدمجه على جهازك وسعة تخزين هذه الاقراص 4.7 جيجا و منه ما يصل ا
لى 8 جيجا .
وهى مثل الاقراص المدمجه السابقه و لكن مساحتها أصغر منها و تصل إلى 750 ميجا او 800 ميجا .
طيب دا كان ( واحده النظام )
ايه تانى ناقص قدامك فى الكمبيوتر لسه ما قولناهوش ؟
9- الماوس.(mouse) 
10- لوحه المفاتيح. (Keyboard) 
13- الماسح الضوئى.(Scanner) 
17- المنفذ المتوازي Parallel Port : فتحه بس و كبيره و باينه ودى بتبقى للطابعه أو الاسكانر و بتبقى على الجاهز بأسم : LPT1,LPT2
1- نظام التشغيل .
2- برامج التطبيقات .
نظام التشغيل ؟ اللى هو ايه ؟ هى البرامج التى يجب ان تتوافر على الجهاز قبل القيام بأى عمليه مطلوبه منها .
اللى هو بالبلدى كده ( الويندوز ), ينفع تشتغل على جهاز من غير ويندوز او نظام ال dos ?
أكيد ما ينفعش يبقى نظام التشغيل زى الوسيله اللى بتخليك تتكلم بيها مع الجهاز .
طب ايه هو وظائف نظام التشغيل ؟
دا سؤال مهم,
1- حلقه وصل بين المستخدم و الكمبيوتر
- زى ما قلنا كأنك بتكلم الكمبيوتر يبقى دا الحلقه اللى هاتتصل عليه منها
2- هو البيئه التى يعمل من خلالها الجهاز وبيوفق التعامل معاه و مع البرامج الموجوده عليه.
- يعنى كأنك جبت سمكه ؟ بيئتها الماء إذن نظام التشغل هو البيئه اللى من غيرها ما يشتغلش الكمبيوتر .
3- بيفسر المدخلات التى تكون عن طريق الماوس او لوحه المفاتيح و يترجمها لأوامر إدخال و يقابلها بأوامر إخراج.
- يعنى انت لما بتدوس على زرار Enter ايه اللى يخلى الجهاز يفهم انك عايز تدخل على الملف دا ؟
دى مهمه نظام التشغيل وهى استقبال الامر كمدخلات و اخراجها كمخرجات .
برامج التطبيقات .
انت قدامك فى الجهاز كام برنامج ؟ من الاسم كده ؟
الويندوز و دا قلنا عليه نظام التشغيل , ايه تانى ؟ برامج الاوفيس مثلا و الادوب فوتوشوب و البرامج المهمه التانيه … هى دى برامج التظبيقات اللى يقصدها او بمعنى ادق :
هى البرامج التى يستخدم الكمبيوتر من اجلها , حيث تؤدى بدورها الكثير من المهام التى يستفيد منها الافراد فى أعمالهم اليوميه مثل الطباعه و التحرير ورقابه المصانع و الجوده وغيرها من المهام الكبيره التى تؤديها البرامج بسهوله و دقه و سرعه عاليه.
كيفيه تطوير البرامج :
انا عايز اعمل برنامج مثلا بعمل ايه ؟
1- تقيم الاحتياجات من البرنامج المراد استخدامه.
2- تصميم و برمجه البرنامج للعمل به .
أظن مفيش اسهل من كده
يبقى احنا كده عرفنا
1- ما هو الكمبيوتر ؟
2- طب و ايه هى مجالات الكمبيوتر ؟
3- ما هى أنواع الكمبيوتر ؟
4-إيه هى مكونات الكمبيوتر ؟ ( مهم جدا )
5 – ما الفرق بين نظام التشغيل و برامج التطبيقات؟
أنا هاقف هنا علشان دا الدرس الاول بس علشان الناس تبدأ تستوعب براحتها ومحدش يتحجج إنى جريت, اهو حاجات بسيطه و خدوها كأنها معلومات عامه بس ركزوا لأنكم لما تمتحنم فى
أى مركز ها تتسالوا فى الحاجات دى و طبعا المهم تفهمها و تعبر عنها صح مش انك تحفظ تعريف مكتوب فى كتاب او اللى انا كاتبه هنا. المره الجايه إن شاء الله ها حاول اجرى شويه برده لأنى مستتقل الماده دى و كنت عايز اخليها للأخر بس قلت مش مهم نبتدى بيها عقبال ما فى ناس تخلص امتحانات برده يبقى ما فاتهاش كتير
أشوفكم على خير فى الدرس اللى جاى و أى استفسار ايميلى اهو all_ofall@yahoo.com
أو تقدروا تكتبوا الاستفسار فى التعليقات على الموضوع.
وشكرا
إقرأ المزيد
الأوت لوك Microsoft Outlook
يعتبر من البرامج الجيده لفتح إيميلات عديده ببرنامج واحد وخاصه بسيرفر أو خادم كبير على الشبكه بمعنى أنه إذا كانت هناك شركه لها 1000 عامل على الكمبيواترات و لديهم بريد ألكترونى خاص بالشركه. ستقوم الشركه بتنصيب برنامج الأوت لوك لكل العاملين لديها ليتصفحوا البريد و العمل من خلال برنامج الأوت لوك و الذى يعد فى تلك الحاله أفضل كثير من استخدام الشبكه . ولمعرفة الأوت لوك يجب فى البداية أن نعرف ما هو البريد الإلكترونى ؟
البريد الإلكترونى أو الإيميل هو عبارة عن خدمة بتقدمها مواقع كتير و منها المجانى و منها اللى بتكلفة إضافية و طبعاً ليها مميزات أكتر من البريد المجانى.
البريد الإلكترونى عامل زى عنوانك على الأنترنت اللى الناس تقدر تتصل بيك عن طريقه أو ترسلك أى نوع من الملفات بأنواعها سواء ملفات كتابيه ( وورد و ما الى ذلك ) ملفات ميديا ( صور , فيديو.. إلخ )
إستخدامات البريد كتير جداً و بتختلف من شخص لأخر.
فى بعض الأشخاص بيستخدموها للإتصال بأصدقائهم فقط.
فى غيرهم بيستعملوها للعمل.
غيرهم بيستخدمها لأغراض كتير او كل الاغراض مجتمعه.
إذاى أعرف إن دا بريد إلكترونى ؟
البريد الإلكترونى بيتكون من أسم فى البدايه و بعديه علامة
@
وبعديه أسم الموقع المقدم للخدمة. يعنى لو لقيت العلامة دى تعرف إن دا بريد إلكترونى. والبريد الإلكترونى الخاص بيك بيبقى معاك الأسم اللى أنت بتختاره و الباسوورد الخاصه بيك و اللى محدش يعرفها غيرك و فى نصائح مهمه و انت بتختار الباسوورد بتاعتك وانت بتنشأ الإيميل و حتى لو أنشأت الإيميل تقدر تغير الباسوورد علشان تبقى قوية و صعب حد يخترقها,
و دى نصائح مهمة:
لاتجعل الباسوورد نفس الأسم الخاص بالإيميل.
لاتجعل الباسوورد كلها أرقام بس أو حروف بس.
لا تجعل الباسوورد حروفها باللغه العربيه لأنك إذا جلست على جهاز لا يدعم اللغه العربيه لن تتمكن من فتح الإيميل.
لا تجعل الباسوورد طويلة أكثر من اللازم حتى لا تنساها ولا أقل من اللازم فيسهل تخمينها.
لا تقوم بعمل الباسوورد رقم هاتفك أو موبيلك.
لا تقم بفتح الإيميلات مجهولة المصدر والتى غالبا ما يكون عنوان الرساله ” مبروك ربحت ” وما الى ذلك.
لا تقم بكتابه الباسوورد على الجهاز تحت عنوان كلمة السر او وضع الايميل و تحتها الباسوورد .
قم بوضع حروف و أرقام معاً
قم بوضع حروف كبيره و حروف صغيره بالأنجليزيه و يحبذ وضع رموز أيضاً كالتى موجوده فوق الأرقام و يمكنك الوصول لها عن طريق Shift + الرقم
!@#$%^&*)(_+-=\><” : ؟
كل هذه الرموز تقوى الباسوررد و تزيد من مناعيتها ضد المخترقين.
قم بكتابة الباسوورد فى مكان جانب الجهاز لتتمكن من تذكرها إذا نسيتها.
قم بكتابة بياناتك الفعلية فى الإيميل لتتمكن من إستردادة إذا قام أحدهم بسرقتة بطريقة أو بأخرى.
تأكد أن لا أحد يرى يدك و أنت تقوم بكتابة كلمة السر فى مكان عام.
هذه إحتياطات ربما تكون كثيره ولكنك ستعرف قيمة الايميل إذا كان يحمل عملك أو ملفات مهمة و سرقه أحد منك ولم تتمكن من إستعادتة فهذه بعض الخطوات البسيطه التى تحصنك من ذلك.
ولا تقم بتحميل أى ملف لا تتأكد من مصدرة.
وهذا درس سابق فيديو عن كيفية عمل بريد إلكترونى .
وهذه بعض المواقع التى تزود المستخدمين بالبريد المجانى:
ودا شرح برنامج الأوت لوك Microsoft Outlook
وهانعرف فيه كيفية فتح برنامج الأوت لوك.
كيفية التعامل مع العمليات الأساسية لربط الإيميل الخاصه بك بالأوت لوك.
أشرطة الأدوات وكيفية إظهارها أو إخفائها.
معرفة القائمه الأساسية فى البرنامج.
حمل الدرس
[youtube=http://www.youtube.com/watch?v=jpEnFwiqdx8&hl=en&fs=1]
هل تعلم:
- لو انت واحد فى المليون فى الصين فهناك 1300 شخص مثلك ” هنا قصدهم لو أنت متخصص فى حاجه ونسبتك على مليون ففى 1300 واحد غيرك متخصص فى نفس المجال فى الصين.
- الصين هاتبقى الدوله رقم واحد من حيث العدد لمتحدثي الإنجليزية.
- 25% من سكان الهند يمتلكون نسبة ذكاء عالى …. و اللى أكبر من مجموع سكان الولايات المتحدة الأمريكية… الترجمة الهند تمتلك أولاد مميزون اكثر مما تمتلك أمريكا أطفال.
هل تعلم:
- أعلى 10 وظائف ستكون مطلوبة عام 2010.. لم يكن لها وجود عام 2004.
- نحن نعلم الطلاب الأن لأعمال ليست موجودة الأن…باستخدام تكنولوجيا ليست موجوده من قبل لحل مشكلات لم نعرف حتى الأن انها ستكون مشاكل فى المستقبل.
بتقديرات وزارة العمل الأمريكية: طلبة اليوم سيكونوا قد عملوا بحوالى 10 الى 14 عمل عندما يصلون إلى سن 38 .
1 من كل 4 عمال أمضى مع صاحب العمل أقل من عام واحد .
1 من كل 2 عمال أمضى أقل من 5 أعوام.
1 من كل 8 متزوجين فى الولايات المتحدة الأمريكية العام الماضى تعرفوا على الأنترنت.
هناك أكثر من 200 مليون مشترك فى موقع myspace…. لو أن الموقع بلداً لكانت خامس أكبر دولة فى العالم بين اندونيسيا و البرازيل.
الدولة رقم واحد فى العالم فى تطبيقات الأنترنت هى برمودا.. فى حين تأتى الولايات المتحدة رقم 19 اليابان رقم 22.
هناك 31 بليون سيرش على جوجل شهرياً.. عام 2006 كان هذا الرقم 2.7 بليون شهرياً
لمن كانت هذه الأسئلة تسأل ق.ج ؟ ( قبل جوجل )
أول رسالة إعلانية أرسلت للموبيل كانت ديسمبر 1992.. اليوم عدد الرسائل التى ترسل و تستقبل تفوق مجموع سكان كوكب الأرض.
عدد السنوات التى استلزمت للوصول إلى 50 مليون من الجماهير أو المتابعين:
الراديو : 38 عاماً.
التلفزيون: 13 عاماً.
الأنترنت: 4 أعوام.
آي بود- iPod : 3 أعوام.
الفيس بوك: عامين.
عدد مقدمين خدمة الانترنت عام 1984 كام 1000.
وصل عام 1992 إلى 1,000,000
وصل عام 2008 إلى 1,000,000,000
هناك حوالى 540,000 كلمة باللغة الأنجليزية.. حوالى 5 أضعاف ما كانت عليه أيام شكسبير.
يقدر كمية المعلومات الأسبوعية التى تحتويها جريدة النيويورك تايمز أكثر من المعلومات التى كانت عند أشخاص القرن الثامن عشر طول حياتهم.
تقديرياً سيتم طرح حوالى 4 إكسا بايت ( 4×10^19) معلومة جديدة هذا العام… والذى يعد أكثر من 5000 عام سابقة.
كمية تكنولوجيا المعلومات تتضاعف كل سنتين.. لطلاب التكنولوجيا هذا يعنى التالى .. نصف ما يدرسونه فى عامهم الدراسى الأول سيكون عفا عليه الزمن أثناء عامهم الدراسى الثالث.
نجحت شركه يابانية فى عمل كابلات بألياف ضوئية تستطيع توصيل 14 تريليون بايت فى الثانية.
هناك 2,660 قرص ممغنط ( سى دى ) أو 210 مليون إتصال هاتفى كل ثانية و التى حاليا تضاعف ثلاث مرات كل 6 شهور و يرجح أنها ستتزايد بنفس النسبه ال20 عام القادمة.
بحلول عام 2013 سيبنى الكمبيوتر بمواصفات تتعدى قدرات عقل الإنسان والذى يقودنا للتوقع أنه بحلول عام 2049 بشرائك لكمبيوتر بحوالى 1000 دولار ستمتلك جهاز ذو مواصفات مثل عقول البشريه كامله.
هل تعلم:
خلال هذا العرض 5:16 دقيقة هناك 67 طفل ولد بأمريكا فقط و 274 طفل ولد بالصين و 395 طفل ولدوا فى الهند….
و 694,000 أغنية تم تحميلها بطريقة غير قانونية.
أرجو أن تكونوا أستمتعم بالعرض .. شكراً
مكان الشركه الأساسى بولاية كاليفورنيا و اخر احصائيات الشركه فى نهاية عامل 2008 وصل عدد العاملين بجوجل 20,222 عامل.
أصحاب الشركه هم : لارى بيج و سيرجرى برين, عندما كانوا يدرسون فى جامعة ستانفورد تعرفوا على بعض وصاروا أصدقاء و قاموا بإنشاء جوجل كموقع فى الرابع من سبتمبر عام 1998. ولكن لارى بيج كان بدأ بحثة المتعلق بمحركات البحث و جوجل عام 1996 عبارة عن مشروع بسيط لطالب لازال يدرس.
صورة جوجل عامل 1998
بدأت جوجل فى النجاح خطوه بخطوه عن طريق العمل بالشراكه مع بعض الشركات و اشهارها و العلاقات الايجابيه بين الشركه و موظفيها و العلاقات الايجابية لشركه جوجل كانت من الأسباب التى جعلت مجلة فورتيون تصنف جوجل على انها الشركه الأولى لأفضل تعامل مع موظفيها.
لارى بيج و سيرجرى برين أصحاب شركة جوجل
مع حلول عام 2007 كان جوجل قبلة الباحثين على الانترنت بنسبة 53.6% والياهوو 19.9% و الام اس ان 12.9% و الباقى حوالى 24% موزعة على جميع محركات البحث الأخرى المتواجده على الشبكه و هذه ايضاً ترجع إلى قوة البحث على جوجل فبرمجة جوجل تعتمد على أكثر من عامل لقياس قوة الموقع ووضعة فى المكان الذى يستحقة فمثلاً عندما نبحث عن كلمة ايكولوجى ستجد الكثير من المواقع و لكن لماذا هذه المواقع ؟
جوجل يستخدم بعض العوامل المعروفه و بعضها غير معروف ليضمن افضل النتائج و لكن نذكر بعض العوامل مثل:
أسم الموقع, أسم الصفحه, أسم عنوان الموضوع, الكلمات التى تتكرر فى الموضوع و غير ذلك والذى يكون نسبه أهمية الموقع و بعد ذلك يرى جوجل هل الباحث عن هذه الكلمة بعد ان اختار موقع معين هل توقف عن البحث ام بحث مره اخرى ؟ كم من الوقت استغرقه على هذا الموقع؟ كل هذا يحدد الكثير من أهمية الموقع و إفادتة للمستخدم.
الشعار الغير رسمى للشركة “ لا تكن شريراً “ انا ملقتش غير كلمة شرير دى ممكن تخليها طماع مع انها مش نفس المعنى بس نفس المغزى انا عارف انها تضحك شويه بس بالأنجليش احسن: “Don’t be evil “, الشركة بتقولك ما تبقاش شرير, واعتقد ان دا واضح فى حاجات كتير و خدمات شركة جوجل بتقدمها لكل المستخدمين مجاناً و اللى بتتميز بسهولتها غير خدمة البحث زى برنامج البيكاسا محرر الصور و الذى تم شرح فى درس مفصل على المدونة, جوجل ايرث, ترجمة جوجل, الجيميل, اليوتيوب, بلوجر, متصفح كروم, جروبات جوجل
للبحث فى جوجل لا يلزمك أن تكون ذو خبرة كبيره فى الانترنت فمجرد ان تكتب ما تبحث عنه ستجد مواقع كثيره بأى لغه من اللغات و سهولة جوجل و بساطته جعلته يتربع على قمة الانترنت لسنوات عديدة.
لكن ما معنى اللينكات التى تظهر لنا بعد البحث فى جوجل ؟
عرض جوجل بسيط و سهل فهو يدرج اللينكات كالصورة التالية:
1- الذى يكون باللون الأزرق وهو عنوان الصفحة, و كلما تطابق مع البحث
Loading ...
