مبادىء الأنترنت

شرح فيديو كامل لمبادىء الانترنت الخاص بكورس ICDL

ايه هو الانترنت ؟

by ياسر أبوالعلا in ,
ايه هو الانترنت؟؟

أنا مش هاقعد ققولكم حاجات مش هاتفرق كتير مع المستخدم العادى زى السيرفر او البروتوكولات و الكلام المجعلظ دا
الانترنت عباره عن شبكة معلومات مدعمه بالصوت و الصوت.
يعنى الانترنت و اللى ممكن نختصره بكلمه النت اللى معناها الشبكه زى صندوق العجايب هتلاقى فيه اى حاجه تقدر تلاقى فيه مثلا موقع للأغانى او للأفلام أو للطب او لأبحاث الفضاء أو ……… إلخ إلخ إلخ.
وعلشان ندخل على النت هانحتاج وسيله اتصال -سواء Dial up أو DSL – والصفحه زى اللى انت بتقرا فيها الموضوع دا دلوقتى, الديال أب Dialup دا عباره عن الاتصال من التليفون برقم شركه معينه و هى بتحولك على النت و الدى أس أل DSL عباره عن وصله برده من شركه معينه بتوصلك بالنت بس الفرق ان مالهاش علاقه بالتليفون يعنى الديال أب بتدخل عن طريق التليفون الدى أس أل وصله من شركه وبتبقى 24ساعه و سرعه أكبر بكتير من الديال أب يعنى مثلا الديال أب لو هاتنزل اى حاجه من النت هاتنزل بسرعه 4 أو 3 كيلو بايت فى الثانيه اما الدى اس ال فققل سرعه بتوصل ل 25 كيلو فى الثانيه أظن وضح الفرق.

*بنسمع كتير عن دى اس ال سرعته 256 أو 500 أو 1 ميجا او 2 ميجا ايه الفرق؟
زى ما قلت ان دى سرعه الدى اس ال يعنى مثلا:
*دى اس ال سرعته 256 كيلو معناها: ان انت هاتنزل من النت اى حاجه بسرعه 25 كيلو فى الثانيه بس طبعا أحيانا مقاومه السلك او الشركه اللى بتزودك بالخدمه بيبقى عليها ضغط فممكن تلافى السرعه 23 او20 او حتى 18 فى بعض الاحيان. و كذلك على كل السرعات
*دى اس ال سرعته 500 كيلو معناها: ان انت هاتنزل من النت اى حاجه بسرعه 50 كيلو فى الثانيه.
*دى اس ال سرعته 1 ميجا معناها: ان انت هاتنزل من النت اى حاجه بسرعه 100 كيلو فى الثانيه.
*دى اس ال سرعته 2 ميجا معناها: ان انت هاتنزل من النت اى حاجه بسرعه 200 كيلو فى الثانيه.
وطبعا اسعار الخدمه بتزيد مع زياده السرعه.
طيب عرفنا دلوفتى الفرق بين الDialup , DSL و عرفنا أن علشان ندخل على النت بنقوم بالأتصال و بنفتح صفحه نت او زى ما فى ناس بتسميه متصفح.
-كده احنا على النت ايه بقى؟ ها ؟ عانعمل ايه ياعم الحج؟

فى الصفحه اللى قدامك دلوقتى فى 3 قوائم افقيه:

أول قائمه: favorites ايه هو الانترنت ؟
ودى مش هانتعمق اوى فى شرحها هانعرف اهم واحده فيهم بس وهى ال Favorites هاتلا قيها رابع واحده من الشمال فوق و معناها المفضله يعنى لو عجبتك صفحه على النت و مش عايز تقعد تدور عليها كل مره بتدخل على النت تحطها فى المفضله زى ما موضح فى الصور..بندوس على Favorite ونختار أول أختيار و هاتجيلك رساله بتقول انت عايز تحفظ الموقع بالأسم دا هاندوس ok .

والمره الجايه بتدوس على المفضله هاتلاقى الصفحه نزلت فيها جرب دلوقتى و شوف النتيجه.



2-لقائمه التانيه و هى اهم واحده : secound+tool+bar ايه هو الانترنت ؟

Back ودا معناه الرجوع للصفحه اللى فاتت
Front ودا معناه التقدم للصفحه للأمام يعنى لو عملت back هاترجع للصفحه اللى فاتت طب لو حبيت ترجع للى كنت فيها ؟ تدوس على Front
Stop ودا من أسمه معناه قف لو فتحت موقع و لسه بيحمل و مش عايزه يكمل تقدر تدوس على stop
Refresh ودا لو موقع وقف مثلا او موقع مفتحش تدوس على الزرار دا علشان تنعشه icon smile ايه هو الانترنت ؟
Home ودا بيخليك تروح على الصفحه اللى النت بيفتح عليها كل مره .
و دول أهم ما فى القايمه التانيه.

شريط العنون او: Address bar address+bar ايه هو الانترنت ؟
ودا اللى بتحط فيه عنوان اى موقع اللى فى الصوره باللون الاحمر و بيبقى غالبا تحت القائمه التانيه.


طبعا فى حاجات كتير كان ممكن تتشرح بس هنا احنا بناخد القشور .


اى حد يديلك موقع معين دلوقتى انت عرفت انك هاتاخد العنوان و تحطه فى ال Address bar


>

the+page+cannot+be+displayed ايه هو الانترنت ؟
ولو مفيش وجود للموقع دا هايجيبلك صفحه بيضاء مكتوب عليها page cannot be displayеd
زى ما فى الصوره كده و دى حلها اننا ندور على اسم الموقع فى اى محرك بحث و اللى هانشرحه فى موضوع لوحده .

دا أول درس هنا و عرفنا منه ايه هو النت و اذاى ادخل على موقع وايه هى مكونات الصفحه الرئيسيه ..

– التول بار الخاصه بالجوجل Google toolbar

by ياسر أبوالعلا in ,

الدرس السادس وهو عن كيفيه استعمال التول بار بتاعه الجوجل و اهميتها و كيفيه الحصول عليها .. ياريت لو عجبكم الفيديوهات تدوها تقييم عالى علشان تفضل على الموقع.

احصل على 2 جيجا مجاناً

by ياسر أبوالعلا in

أهلا بيكم, المره دى مش درس, خلينا نقول عليه استراحه مش هاناخد شرح برنامج بس هانعرف اذاى يبقى عندى 2 جيجا ببلاش على النت:

كام مره جهازك اتفرمت و داتا كتير من عندك طارت ؟
أكيد كتير

طب كام مره الويندوز ضرب و نزلت ويندوز جديد و طار الويندوز القديم اللى عندك بملفات مهمه انت كنت حاططها ؟
كتير برده

كام مره تروح لواحد صاحبك و تنسى تاخد الفلاش ميمورى معاك ؟ و تبقى رايحله اساسا علشان تديله حاجه معينه ؟

حاجات كتير محدش يقدر ينكر اننا بنحتاج اننا نحتفظ بنسخه احتياطيه للملفات المهمه بتاعتنا
طب أنا كل شويه هاحط الملفات على DVD أو CD ؟
اكيد لأ, انا عن نفسى بتلخبط كتير جدا فى الديفيديهات اللى عندى و ما بفتكرش عليها ايه و لازم احطها فى ال DVD PLAYER علشان افتكر كان فيها ايه.
أنا لقيت من كام يوم على النت موقع بيقدم 2 جيجا ببلاش, ولو عايز مساحه غير محدوده بمعنى لا نهائيه تدفع فلوس, طبعا إحنا مش بتوع الكلام دا, إحنا ناخد ال2 جيجا اللى ببلاش و يبقى تمام أوى.
طيب أنا ليه هاستخدم الموقع دا طب مهو فيه مواقع كتير بتقدم مساحات على النت ببلاش برده و قدر ارفع عليها ملفاتى.
أولا : الموقع دا بيقدم إتفاقيه خصوصيه بمعنى إن مفيش حد يقدر يحمل أى ملف من اللى أنت هاترفعه على مساحتك على الموقع.
ثانيا: محدش هايجى يقولك ان ملفك هايكون على الموقع لمده شهر بس زى معظم مواقع التحميل.
ثالثا: و الاهم أن مفيش حد أقصى للملف بمعنى انك ليك 2 جيجا يعنى ممكن ترفع ملف واحد بس 2 جيجا ممكن ترفع 20000 ملف 2 جيجا مش زى المواقع اللى تقولك أخرك 100 ميجا بس للملف.
وبرده ميزه انهم مش عاملين العرض دا لمده معينه بمعنى انك مش هاتيجى فى يوم ولازم تدفع فلوس لأ دى علطول و تقدر تتأكد من الموقع .
مش هاطول عليكم الموقع هو اللى تحت السطر دا مكتوب mozyhome و الدرس اللى تحت بيبن اذاى تقدر تشترك خطوه بخطوه


احصل على 2 جيجا مجاناً


احصل على 2 جيجا مجاناً

مبادىء الأنترنت الدرس الأول

by ياسر أبوالعلا in
دا الدرس الأول فى مادة الأنترنت وهى مبادىء الانترنت و كيفية استخدام مستكشف الانترنت ( internet explorer(
ولازم نعرف أن الانترنت أكسبلورر يعتبر من أكثر البرامج أنتشاراً لمستخدمين الأنترنت و دا بيرجع لأنه بيبقى موجود فى الويندوز بكل إصداراته سواء 98 2000 xp vista
وفى غير الانترنت أكسبلورر برامج تانيه مثل :
Firefox, Safari, Opera, Chrome
بس طبعاً زى ما قلنا أن الأنترنت أكسبلورر هو ققدمها و مفضل لمعظم مستخدمين الأنترنت و الشرح كله عليه بس طبعا لو عرفنا اذاى نستخدمة هانلاقى ان البرامج التانيه فيها اختلافات طفيفه و كلهم وظائفهم الاساسيه هى تصفح الانترنت .
ونقدر نلخص الانترنت فى التالى :
ان الانترنت عباره عن شبكه عالميه بيتصل بيها اشخاص من جميع انحاء العالم .
المواقع الخاصه بالأنترنت و اللى بنكتب عنوانها فى شريط address bar
والفوائد اللى بتعود علينا من الانترنت كتير جداً لدرجه انها ممكن تعمل كتب لو شرحنا كل مجال و ايه فوايد الانترنت اللى عادت عليه فى المجال دا بس نقدر نبوب مجالات كتير منها:
المجالات العلميه.
المجالات الفنية.
المجالات الطبيه.
المجالات التكنولوجيه.
مجالات الاتصالات.
مجالات الرياضه.
………..الخ الخ الخ.
زى ما انت ليك هوايات او اهتمامات معينه فى كتير غيرك عندهم الاهتمامات دى وطبعا تقدر تشوف الناس دى وصلت لأيه من خلال الانترنت . وحتى الحاجات اللى ممكن متتخيلش انها موجوده على الانترنت .
مثال:
اعمل سيرش فى جوجل على حاجه متخصصه جداً,واعمل سيرش على حاجه قديمه او جديده جداً .
بالتأكيد هاتلاقيها مثلا:
ملوخيه, أمون رع ,تدفأه , الجلطات الدماغيه, مياه, مكرونه, ياقوت, جرس حتى ولو عايز تعرف الإجابه على بعض أشهر الأسئله
مين زكى جمعه ده ؟
ابو رجل مسلوخه.
الغوله .
الشاطر حسن.
أى حاجه هاتكتبها هاتلاقيها. دا ببساطه معنى الانترنت و فوايده ولو عايز تعرف أكتر تقدر تشوف الدرس دا .

ودا الجزء الثانى من الدرس وهو فيديو شرح لصفحة الأنترنت أكسبلورر:

الدرس الأول فى الانترنت

كيفية فتح مستكشف الانترنت ( الانترنت اكسبلورر) .
شرح صفحة المستكشف و وظائف القوائم الموجوده بالصفحة.
كيفية استخدام القوئم الموجوده و اهميتها.
خصائص الصفحة و كيفية تغيير الخيارات الافتراضية.
كيفية تغيير الصفحه الاولى.
كيفية تنظيف الكوكيز و الملفات المؤقته من الانترنت. Delete cookies – delete files – sitting
شرح ال internet options
كيفية مسح الملفات المؤقته.
كيفية تغيير مسار الملفات المؤقته.
الأمان المتواجد بالصفحه و كيفية ظبطه لما يتوافق مع استعمالى للأنترنت.
كيفية منع مواقع معينة من خلال التصفح.
الأتصال بالانترنت و كيفية ظبط الأتصال بالأنترنت من خلال مودم أو دى اس ال.

الجزء الأول :

الجزء الثانى

حمل الدرس

الجزء الأول

الجزء الثانى

الدرس الثانى فى مبادىء الأنترنت

by ياسر أبوالعلا in ,
كيفية الشراء عبر الأنترنت ؟ الأنترنت بيتيح لنا أكثر من موقع للشراء عبرهم اكثر من شيىء فمثلاُ : يمكنك شراء جهاز كمبيوتر و تختار المواصفات التى تريدها. أو يمكنك أن تشترى جهاز كهربائى . أو يمكنك شراء خدمة معينة مثل شراء مجلات ألكترونية على الأنترنت. أو شراء موقع. أو أو أو ……………….. إلخ ولكن كيف يمكننى أن أدفع عبر الأنترنت ؟ ممكن احط الفلوس فى السى دى رووم ؟ ممكن اعمل سكان للفلوس و ابعتها ميل ؟ أكيد لأ . كلنا نعرف الكريدت كارد سواء كان Visa Card, Master Card, AMERICAN EXPRESS دول كلهم تقدرى تشترى بيهم من كل المواقع تقريبا وبتتعامل بيهم بسهولة على الأنترنت, و طبعاً فى مخاطر من أستخدامهم على النت لأن فى مواقع ممكن تسرق منك أكتر من المبلغ المطلوب أو حتى تسرق المبلغ كله. طب و الحل ؟ أنك تدخل على المواقع المعروفه و تشترى منها, طبعاٌ دلوقتى العملية محكومة شويه. لو هاتشترى موقع مثلا الياهوو أو جو دادى أو المواقع الكبيره دى مش هاتسرقك طبعاً. وفى حل تانى برده و اللى بيسمى البنوك ألكترونية و اللى أشهرها PAYPAL بس للأسف دا مش بيدعم معظم الدول العربية ودا فكرته أنك بتودع فيه فلوس من الفيزا بتاعتك أو الماستر كارد بتاعك و منه تقدر تدفع الفلوس اللى المفروض بتشترى بيها و بيدعم مواقع كتير جدا . وفى غيره بنواك الكترونية بس مش بقوته ولا هاتلاقى مواقع بتتعامل بيها غير مواقع قليلة جداً و البنوك الألكترونيه أنك لو حاطط مبلغ مش هايتاخد اكتر منه. وفى حل ثالث: أنك تعمل كرت دفع للنت من البنك اللى انت تابع ليه, و دى خدمة جديدة عاملاها معظم البنوك دلوقتى فى الدول كلها, بتعمل كرت دفع على الانترنت و بتودع فيه المبلغ اللى انت عايزه أو تمن الحاجه اللى هاتشتريها و بعدين تقدر تشترى اللى انت عايزه على الانترنت بس عيبه انك ما تقدرش تستقبل بيه فلوس يعنى بتدفع بيه بس. و لازم نفرق بين حاجتين: الكريديت كارد و الديبيت كارد الكريدت زى ما قلنا قبل كده ودى أشهرها: Visa credit card, Master Card, AMERICAN EXPRESS, Discover Card, ….. الديبيت كارد: اللى البنك بتاعك بيديهالك علشان تسحب بيها فلوس من أى ماكينه صرف ألى فى الشارع و دى مش بتتقبل على النت لأنها Local يعنى محلية مش عالمية, أما الكروت الكريديت واللى تقدر تفرقهم باللوجو بتاع الفيزا و الماستر كارد دول تقدر تشترى بيهم على النت و تسحب بيها فلوس من ماكينة الصراف الألى. تفرقهم إذاى من بعض ؟ لو على الكارت بتاعك حتى اللى البنك بتاعك مديهولك لوجو أى كريديت كارد يبقى دا كريديت كارت لو مش عليها و عليها لوجو البنك او اسمه بس يبقى دى ديبيت كارت. ودى أشكال اللوجوهات لكروت الكريديت المشهوره.
إقرأ المزيد

مبادىء الأنترنت الدرس الثالث البريد الإلكترونى E-mail و الأوت لوك

by ياسر أبوالعلا in ,
الأوت لوك من البرامج الموجوده مع حزمة الأوفيس ويمكننا أن نجدها فى الجهاز طالما قمنا بتنصيب الأوفيس دون رفض تنصيب الأوت لوك.

الأوت لوك Microsoft Outlook

يعتبر من البرامج الجيده لفتح إيميلات عديده ببرنامج واحد وخاصه بسيرفر أو خادم كبير على الشبكه بمعنى أنه إذا كانت هناك شركه لها 1000 عامل على الكمبيواترات و لديهم بريد ألكترونى خاص بالشركه. ستقوم الشركه بتنصيب برنامج الأوت لوك لكل العاملين لديها ليتصفحوا البريد و العمل من خلال برنامج الأوت لوك و الذى يعد فى تلك الحاله أفضل كثير من استخدام الشبكه . ولمعرفة الأوت لوك يجب فى البداية أن نعرف ما هو البريد الإلكترونى ؟

البريد الإلكترونى أو الإيميل هو عبارة عن خدمة بتقدمها مواقع كتير و منها المجانى و منها اللى بتكلفة إضافية و طبعاً ليها مميزات أكتر من البريد المجانى.

البريد الإلكترونى عامل زى عنوانك على الأنترنت اللى الناس تقدر تتصل بيك عن طريقه أو ترسلك أى نوع من الملفات بأنواعها سواء ملفات كتابيه ( وورد و ما الى ذلك ) ملفات ميديا ( صور , فيديو.. إلخ )

إستخدامات البريد كتير جداً و بتختلف من شخص لأخر.

فى بعض الأشخاص بيستخدموها للإتصال بأصدقائهم فقط.

فى غيرهم بيستعملوها للعمل.

غيرهم بيستخدمها لأغراض كتير او كل الاغراض مجتمعه.

إذاى أعرف إن دا بريد إلكترونى ؟

البريد الإلكترونى بيتكون من أسم فى البدايه و بعديه علامة

@

وبعديه أسم الموقع المقدم للخدمة. يعنى لو لقيت العلامة دى تعرف إن دا بريد إلكترونى. والبريد الإلكترونى الخاص بيك بيبقى معاك الأسم اللى أنت بتختاره و الباسوورد الخاصه بيك و اللى محدش يعرفها غيرك و فى نصائح مهمه و انت بتختار الباسوورد بتاعتك وانت بتنشأ الإيميل و حتى لو أنشأت الإيميل تقدر تغير الباسوورد علشان تبقى قوية و صعب حد يخترقها,

و دى نصائح مهمة:

لاتجعل الباسوورد نفس الأسم الخاص بالإيميل.

لاتجعل الباسوورد كلها أرقام بس أو حروف بس.

لا تجعل الباسوورد حروفها باللغه العربيه لأنك إذا جلست على جهاز لا يدعم اللغه العربيه لن تتمكن من فتح الإيميل.

لا تجعل الباسوورد طويلة أكثر من اللازم حتى لا تنساها ولا أقل من اللازم فيسهل تخمينها.

لا تقوم بعمل الباسوورد رقم هاتفك أو موبيلك.

لا تقم بفتح الإيميلات مجهولة المصدر والتى غالبا ما يكون عنوان الرساله ” مبروك ربحت ” وما الى ذلك.

لا تقم بكتابه الباسوورد على الجهاز تحت عنوان كلمة السر او وضع الايميل و تحتها الباسوورد .

قم بوضع حروف و أرقام معاً

قم بوضع حروف كبيره و حروف صغيره بالأنجليزيه و يحبذ وضع رموز أيضاً كالتى موجوده فوق الأرقام و يمكنك الوصول لها عن طريق Shift + الرقم

!@#$%^&*)(_+-=\><” : ؟

كل هذه الرموز تقوى الباسوررد و تزيد من مناعيتها ضد المخترقين.

قم بكتابة الباسوورد فى مكان جانب الجهاز لتتمكن من تذكرها إذا نسيتها.

قم بكتابة بياناتك الفعلية فى الإيميل لتتمكن من إستردادة إذا قام أحدهم بسرقتة بطريقة أو بأخرى.

تأكد أن لا أحد يرى يدك و أنت تقوم بكتابة كلمة السر فى مكان عام.

هذه إحتياطات ربما تكون كثيره ولكنك ستعرف قيمة الايميل إذا كان يحمل عملك أو ملفات مهمة و سرقه أحد منك ولم تتمكن من إستعادتة فهذه بعض الخطوات البسيطه التى تحصنك من ذلك.

ولا تقم بتحميل أى ملف لا تتأكد من مصدرة.

وهذا درس سابق فيديو عن كيفية عمل بريد إلكترونى .

وهذه بعض المواقع التى تزود المستخدمين بالبريد المجانى:

http://www.gmail.com/

http://www.yahoo.com/

http://www.hotmail.com/

ودا شرح برنامج الأوت لوك Microsoft Outlook

وهانعرف فيه كيفية فتح برنامج الأوت لوك.

كيفية التعامل مع العمليات الأساسية لربط الإيميل الخاصه بك بالأوت لوك.

أشرطة الأدوات وكيفية إظهارها أو إخفائها.

معرفة القائمه الأساسية فى البرنامج.

الدرس الثالث
الجزء الأول:


الجزء الثانى:


الجزء الثالث:

حمل الدرس

الجزء الأول

الاوت لوك الدرس الرابع Outlook

by ياسر أبوالعلا in
الدرس دا هانعرف فيه خصائص أكثر فى برنامج الأوت لوك.
هانعرف سوا إذاى نقدر نفتح الرسائل الوارده فى صندوق البريد الإلكترونى بالأوت لوك, وكيفية معرفة خصائص الرسائل الواردة كمعرفة الراسل و ايميله و الوقت الذى تم إرسال الرسالة به .
كيفية القيام بمسح الرسائل الوارده بأكثر من طريقة بالأوت لوك. و نقدر نعرف بردة كيفية فتح المرفقات بالرسائل الخاصة بى و كيفية تحميلها على الجهاز أو فتحها بطريقه مباشرة, وكيفية الرد على رسالة وصلت على البريد و كيفية الرد لنفس عنوان الراسل أو ارسال الرساله لشخص أخر أو أكثر من شخص, كيفية حفظ الرسالة و ارسالها لاحقاً أو كتابة جزء من الرسالة و تكملتها لاحقاً, و كيفية التدقيق الإملائى للرسائل المهمة لنتأكد من خلوها من الأخطاء.
تتبع الايميل و كيفية وضع خاصية التتبع بالرساله بمعنى معرفة إذا كانت الرسالة وصلت للمرسل اليه و اذا قرأها بالفعل أم لا.
كيفية عمل ايميل جديدة و كيفية ارفاق ملفات سواء كانت صور أو فيديو أو أى ملف نريد إرساله بالإيميل لأى شخص, تنسيق الرسالة لتبدو رسالة منسقه و منظمه.
اذاى ققدر أبعت ايميل واحد لأكثر من شخص بإيميلات مختلفة مره واحدة ؟
نقدر ندرج علامة الفصله المنقوطه بين الإيميلات لنتمكن من ارسال ايميل واحده لأكثر من شخص كالمثال التالى :

all_ofall@yahoo.com; aaaa@aa.com; bbbb@bbb.com; ana-3rby@anysite.com

خصائص الأوت لوك: هانتعرف فى الدرس الفيديو اللى هنا على خصائص الاوت لوك و اذاى نقدر نغير الخصائص الأفتراضيه الموجوده فيه.
رسالة عدم تواجدك على المكتب.
كيفية اختيار عدد الرسائل الموجودة فى الصفحة.
إدراج إمضاء فى كل رسالة ترسلها.
إدارج بعض الإيميلات فى الايميلات الغير مهمه .

كيفية عمل قائمة إيميلات خاصة بى. و ادراج بها اكبر عدد ممكن من الإيميلات على بريدى الالكترونى فى الأوت لوك. وما يعرف بDistribution List

الجزء الأول

الجزء الثانى

الجزء الثالث

الجزء الرابع

حمل الدرس

الجزء الأول

الجزء الثانى

الجزء الثالث

الجزء الرابع

ودى مقالة كتبتها بخصوص الايميلات و الرسائل اللى بتوصلنا كلنا اوف لين علشان كل الناس تبعتها يا ريت تقولولي رأيكم فيها لو عندكم وقت تقروها .

المقالة

وشكراً

Go to Top