- أخبار التقنية
- برامج و تطبيقات
- تويتر Twitter
- حماية أمن الجهاز
- أخرى
- فوتوشوب Photoshop
- فيس بوك Face book
- كورس ICDL
- مادة الأكسس Microsoft Access
- مادة الإكسل Microsoft Excel
- مادة البوربوينت Microsoft Powerpoint
- مادة الوورد Microsoft Word
- مادة تقنية المعلومات I.T.
- مبادىء الأنترنت
- مبادىء الويندوز Windows
- مقالات
- مواقع
- ويندوز windows
- يوتيوب youtube
أخرى
إذاى تسرع جهازك ؟
by ياسر أبوالعلا in أخرى
هنا الفيديو بيوضح إذاى أعمل 3 حاجات بسيطه فى وقت قليل و مهمه:
1-إذاى أسرع جهازى و هو بيفتح الويندوز.
2-إذاى أتصرف لو الجاهز وقف منى وانا شغال عليه
3-إذاى أخلى الماوس كليكه واحده
كيف تبقى على اتصال بالموقع ؟
كيف تعرف أن هناك درس جديد على المدونة ؟ إما أن تقوم بالدخول كل يوم او حتى فى اليوم مرتين. أو تقوم بزيارة المدونة كل فترة و البحث فى الدروس الجديدة, إما أن تشترك فى خدمة الRSS
RSS فايدتها انها بتبلغك لما الموقع بيعمل بوست جديد فى الموقع. يعنى هاتوفر عليك وقت كتير بدل ما كل شويه تشوف و تدور, لما الموقع يحط موضوع جديد بيتعتلك ايميل بالدرس الجديد.
الخدمة يمكن تشبيهها بخدمة التوصيل للمنازل مثل البيتزا و الأكل السريع, و لكن على الانترنت سيصلك أخر ما انتجتة المدونة او الموقع الذى اشتركت به عن طريق الايميل.
كيف يمكننى الأشترك فى الخدمه ؟
إبحث على الجانب الأيمن على جملة ( ضع إيميلك ليصلك الدروس عبر الايميل ) و ستجد اسفلها خانة فارغة و تتبع الخطوات التالية:
إبحث على الجانب الأيمن على جملة ( ضع إيميلك ليصلك الدروس عبر الايميل ) و ستجد اسفلها خانة فارغة و تتبع الخطوات التالية:
1-زى ما شايفين فى الصوره رقم واحد بحط الايميل بتاعى فى المكان الفاضى دى و بختار Subscribe.
2- قم بإدخال الرموز الموجوده داخل المكان الفاضي و تكون بنفس الشكل دون مسافات بينها.
3- سيصلك إيميل تأكيدى على البريد الذى قمت بوضعة, و كل ما عليك هو أن تقوم بفتح هذه الإيميل. و اختيار أول لينك بها لتأكيد رغبتك فى التسجيل فى الخدمة عن طريق إيميلك.
5- تظهر لك رسالة تفيد تفعيل الخدمة لهذه الإيميل.
يمكنك تطبيق نفس الخطوات بأى موقع أو مدونة بها خدمة RSS
خطوات ما بعد الويندوز
by ياسر أبوالعلا in أخرى
أنا هاشرح هنا إيه البرامج المهمه اللى يستحسن إننا ننزلها على الجهاز بعد ما يكون عندنا ويندوز جديد, دا لأن بعد ما بنحط ويندوز جديد بيبقى فى أحيانا مشاكل فى التعرفيات بتاعة الكروت الخاصه بالكمبيوتر , او بيكون فى برامج معينه ما بتشتغلش ملفات على الجهاز إلا بيها و ما تشتغلش من غيرها ,فى مواقع كتير حاطه برده دليل أو أكتر للبرامج المهمه بس برده فى برامج ملهاش لزمه أوى وأنا من رأيى أن أى حد مهم أن يكون عنده مكتبه برامج بتاعته المهمه اللى فيها البرامج اللى بيشتغل عليها ودى تقدر تحفظها على DVD علشان تضمن انها فى مكان مضمون أو ترفعها على النت فى موقع كويس تقدر تنزل منه اللى أنت عايزه, و قريب إن شاء الله هاحط قايمه بأهم الموقع اللى تستاهل فعلا انك تتعامل معاها فى موضوع التخزين على النت .
أنا هارتبهم حسب الأهميه الأهم فالمهم , فى برامج بتبقى ببلاش و مش محتاجه ترخيص علشان نجيبها من النت و فى برامج بتبقى ليها رخصه او تشتريها بفلوس . أنا البرامج اللى هالاقيلها مكن تقدر تنزلها منه هاحط لها لينك على الاسم. ولما تدخل على موقعهم هاتدوس على Download هاينزل البرنامج.
طيب أنا دلوقتى عندى ويندوز جديد زى ما قدامنا كده فى الصوره .
مش باين عندى ولا My computer ولا My Dоcuments ولا أى حاجه, أعمل ايه ؟
الفيديو هنا بيبين إذاى أجيبهم وإذاى أظبط ال Desktop بتاعى….
دلوقتى الDesktop بعد ما ظبطته و بقى تمام هادخل على البرامج المهمه اللى لازم تكون عندى على الجهاز وهى كالتالى :
1- التعريفات.
ودى غالبا معظم الناس بتبقى عندها على CDs جايه مع كل كرت أو واحده فيها التعريفات بتاعه الجهاز كله من أوله لأخره, طب انا لو معنديش أعمل ايه ؟
تقدر بكل بساطه تدور على التعريف على النت, لأنك ما دام أشتريت الكارت أو أى جزء للكمبيوتر الشركه الخاصه اللى صنعته هاتلاقيها حاطه على موقعها الرسمى كل التعريفات .
ليه التعريفات أول حاجه ؟
لأنها أهم حاجه, لأنك مش هاتقدر تشغل ملفات صوت مثلا من غير تعريف الصوت , مش هاتقدر تشغل فيلم أو فيديو من غير تعريف كارت الشاشه حتى لو إشغل مش هايبقى بأعلى إمكانيه الكارت .
2- برامج الحمايه.
سواء انت بتفضل برنامج معين أو عندك برنامج مرشحلك من حد لازم تنزله على الجهاز قبل ما تبدأ تدخل على الويندوز لأن ممكن من حظك تدخل على موقع مشموم ويبقى عليه فيروس محترم ياكلك الجاهز حته حته وهاتضطر تنزل ويندوز من الاول و جديد, يبقى الأفضل من الاول أنك تنزل أنتى فيروس قبل ما تبدأ تتعامل على النت, والفيروس يا جماعه مش زى ما فى ناس متخيله يعنى مش معنى إنك متصل على النت ممكن يجيلك فيروس, هو مش بيطير فى الجو ولا بيمشى فى السلك زى الكهرباء , الفيروس لازم تكون دخلت على موقع وكان عليه فيروس و حملته منه سواء نزلت ملف او الموقع عامله autoplay يعنى يفتح اول ما تفتح الصفحه , ولما بينزل فيروس بيضرب الملفات اللى نهايتها .exe يعنى مش هاينزل على أغنيه لأ دا كل ما بتفتح برنامج بيحمل نفسه عليه و يبدأ يشتغل كل ما بتشغل البرنامج . مش هاطول عليكم فى شرح الفيروس و كيفيه عمله المهم انكم تكونو كونتم فكره عن الفكره العامه للفيروس علشان ما تهولوش المسأله ولا تستهونوا بيها, و تحاولوا تعملوا- update- تحديث للبرنامج لأن فى كل شويه فيروسات بتنزل جديد يعنى ما حدش يشغل انتى فيروس سنه 2000 مثلا . بقدر المستطاع يكون جديد و معموله تحديث.
ودا لينك الفيديو بتاع شرح إذاى ققدر أعمل scan على جهازى من غير ما يكون عندى أى أنتى فيرس .
الدرس الخاص بالأنتى فيرس من النت
3-تنزيل البرامج
البرامج الخاصه بيا على الجهاز ودى بتكون الخطوه التاليه بعد الانتى فيروس, والبرامج الاساسيه اللى أعتقد إن أى جهاز لازم تكون فيه البرامج دى :
أ-Microsoft Office Tools:
واللى بيندرج تحتيه البرامج المعروفه زى الوورد و الاكسس و الاكسيل و البوربوينت و ما الى ذلك و تكمن أهميه البرامج دى فى أنها إمكانيتها كتير و مع ذلك سهله فى الاستعمال و لأى مستخدم مش لمستخدمين محترفين للكمبيوتر, سواء عايز تكتب ورقه او تعمل مقدمه لمشروع او لأى منتج أو اى حاجه فاهتستعمل واحد منهم أكيد و دا غير الميزينيه اللى ممكن تتعمل على برنامج الاكسيل ومش هاتطرق للشرح أكتر لأن دا هايبقى درس لوحده إن شاء الله المهم إن برامج Microsoft Office مهمه و ما فيش جهاز المفروض يبقى من غيرها لأنك يوما ما هاتحتاجها أكيد.
ب-Codec Pack
ودى تقدر تلاقيها على أى موقع أو منتدى ودى خاصه ب windows media player الخاص بتشغيل ملفات الفيديو و الأفلام ووضع الترجمه وتقد تعمل بحث على جوجل او على اى موقع بحث على كلمه Codecs و هاتلاقى كتير بس يستحسن أنك تقرا عنها الاول و ما تنزلش كتير, يعنى تسوف منتدى مثلا و فيه كودك كويسه و تنزله و تشغله و تشوف الافلام شغاله ولا لأ .
ج-برامج الميديا :
-Winamp : يمكن أنت بتسمع ملفات الmp3 و أى ملفات صوت على برنامج تانى, بس
لما تجرب ال winamp هاتعرف يعنى ايه نقاء صوت و سرعه فى التشغيل على عكس برامج كتير, يعنى انا بفضل البرامج السريعه و الكويسه للجهاز عن البرامج اللى ممكن يكون تصميمها كبير و الجرافيك اللى فيها عالى لأنها بتغل مساحه أكبر من ذاكره الجهاز و اللى بدوره بيبطأ الجهاز,و فى الاخر كله بيشغل الملف برنامج الWinamp من أحسن البرامج إن لم يكن أفضلها ومتخصص فى تشغيل ملفات الصوت بمعظم إمتدادتها .
-realplayer: بيشغل ملفات الموبيل لما تنزلها على جهازك .
د-برامج الشات : Yahoo messenger, msn live, skype
*الدرس الخاص ب Yahoo messenger 1.
*الدرس الخاص ب Yahoo messenger 2.
والبرامج دى برده هاتلاقوا شرحها بالتفصيل على المدونه تقدرو تشوفوها فى الارشيف الى فى القائمه جهة اليمين .
هـ-Adobe Reader: ودا خاص بتشغيل ملفات ال PDF ودى بتبقى كتب إلكترونيه او شرح معين و مهم أنه يكون على جهازك.
البرامج الخاصه بيك إنت اللى بتشتغل عليها
و- Java Script : و دى بتحتاج تشغلها لما تفتح شات الياهوو او تلعب لعبه اون لين .
ز- Winrar: ودا خاص بالملفات المضغوطه و حلو جدا فى ضغط مساحه الملفات و ممكن كمان تحط باسوورد على الملف المضغوط.
وفى النهايه أتمنى انكم تكونوا أستفدتم ولو فى حد شايف إنى نسيت برنامج ممكن يحطه فى تعليق على الموضوع و شكرا .
10 خدمات لم تعرفها عن جوجل
الدرس دا هانكمل فيه الدرس الأول فى كيفية البحث فى جوجل بس الدرس دا هانعرف فيه حاجات أكتر فى السيرش اللى تقدر تعرفها من جوجل على طول من غير ما تدخل على مواقع و أهما :
1- حالة الجو Weather
لو عايز تعرف درجة الحرارة لمدينة القاهره فنكتب كلمة Weather وبعدها أسم المدينة بالانجليزية كالتالى :
weather cairo
1- حالة الجو Weather
لو عايز تعرف درجة الحرارة لمدينة القاهره فنكتب كلمة Weather وبعدها أسم المدينة بالانجليزية كالتالى :
weather cairo
2- كود بلد (مفتاح الاتصال) Country code
لو عايز تعرف كود بلد معينة و مفيش جنبك أجندة و مش عايز تقوم من مكانك هاتكتب 3 كلمات فى جوجل هاتعرف أى كود لأى بلد بنكتب country code و بعدها أسم البلد بالانجليزية مثلاً عايزين نعرف كود إيطاليا.
country code Italy
3- الوقت Time
حبيت تعرف الوقت فى أى مدينة فى العالم, يا اما تعرف الفرق بينهم ووقت جرينتش و تحسبها يا اما تعمل سيرش فى جوجل بتكتب time وبعدية أسم المدينة مثلاً أسوان.
time aswan
4- الة حاسبة Calculator
تقدر تعمل أى عملية حسابية بسيطه او معقدة فى جوجل و استعمالة كألة حاسبة كل اللى هاتعملة انك هاتكتب المسألة اللى انت عايز تعرف نتيجتها و تحط فى أخرها ( = ) و دوس بحث و هاتلاقى النتيجة.
5*9+928-4324 =
5- تحويل بين الوحدات Unit Conversion
بالجوجل تحول من وحدة قياسية لوحدة أخرى مثلا من جرام الى كيلو او من سم الى متر او من متر الى بوصة, بتكتب القيمة اللى عايز تحولها و بتكتب in و بعديها الوحدة اللى عايز تحول اليها كالتالى :
10.5 cm in inches
6-تعريف الكلمات Dictionary Definitions
قاموس انجليزى انجليزى, بمجرد كتابة كلمة Define وبعديها الكلمة اللى عايز تعرف تعريفها بالانجليزى كمثال:
Define philosophy
7- معرفة أماكن المطاعم أو الماركت Local Search
بتدور على مطعم مثلاً و متعرفش حاجه فى المنطقة أو عايز تشوف الاماكن القريبة منك تقدر تكتب المكان اللى بتدور عليه و بعدية الكود البريدى بتاع المنطقة بتاعتك.
Italian food 02138
8-التدقيق الإملائي للكلمات.
لو كتبت كلمة غلط فى جوجل هاتلاقية عرض عليك إقتراحات للتصحيح للكلمات. جرب أكتب كلمة videoo هاتلاقى جوجل بيقولك Did you mean: video
9- تحويل عملات Currency Conversion
تقدر تحول بين عملتين فى جوجل من غير ما تحتاج لأى موقع تانى بتكتب القيمة اللى عايز تحول منها و بعديها أسم العملة و تكتب in وبعد كده رمز العملة الأخرى. يعنى عايز تحول 150 جنية استرلينى لدولار.
150 GBP in USD
10- الخرائط Maps
عايز تشوف خريطة مدينة أو بلد بتكتب أسم المدينة أو البلد و بعديها كلمة Map عايزين نشوف خريطة لوس أنجلوس مثلاً بنكتبها كالتالى:
Los Angeles map
يراعى أن معظم الخدمات تعمل على جوجل الانجليزى فقط أى .com فقط
كل دى خدمات تقدر تعرفها من جوجل من غير ما تدور فى أى موقع و كمان خدمات تانيه من جوجل وأهمها :
ترجمة جوجل و اللى تقدر تترجم بيها من اى لغة للغة تانيه و تقدر تحط لينك موقع و جوجل يترجمهولك كله.http://translate.google.com/
جروبات أو مجوعات جوجل واللى تقدر تلاقى فيهم ناس عاملة جروبات لأكثر من مجال و فى أكثر من تخصص و بكل اللغات.http://groups.google.com/grphp?hl=ar&tab=wg
اليوتيوب و أكبر موقع للفيديوهات على شبكة الانترنت و تقدر تدور فيه بردة بكل اللغات.
البلوجر و منه تقدر تعمل مدونة و ان شاء الله هانشرحها بردة.
البحث على الصور فقط عن طريق جوجل.
http://www.google.com/imghp?hl=ar
شريط أدوات جوجل و الذى تم شرحة بالتفصيل على المدونة.
http://toolbar.google.com/T4/intl/ar/?utm_source=ar-et-more&utm_medium=et&utm_campaign=ar
الحاجات دى اللى اعرفها وفى حاجات تانيه بس خاصة بأمريكا بس زى معرفة المطارات و اهداف مباريات الكرة و الزلازل, و إذا كنت تعرف أى شيىء كالخدمات التى ذكرتها فى الدرس و يمكنك تطبيقها من جوجل مباشرة دون الدخول على موقع يمكنك كتابة تعليق بها و سأدرجها بالدرس.
الرسائل المزعجة – الفرق بين السبام و السكام
مبروك كسبت 500,000 مليون جنية إسترلينى. حط إيميلك و اسمك و بلدك و تليفونك و ابعتلنا لتستلم المبلغ.
مش مصدق؟ طيب بص.
أنا واحد مدير بنك فى جنوب أفريقيا و فى واحد مليونير مات ولا يوجد له أى ورثة, و أريد شخص ثقة لكى ارسل له المبلغ, هل يمكننى الوثوق بك؟
برده لسه مش مصدق؟ طيب اسمع دى.
اليانصيب العالمية التى تجرى سنوياً بأستراليا قامت بإختيار الإيميل الخاص بك لتكون الفائز الأول و لقد ربحت 700.000 دولار استرالى.
كثيراً ما تأتى إيميلات مثل هذه الإيميلات و تحتوى معظمها على هذه الصيغ, و هى كلها نفس الفكرة أى أنها تجعلك تشعر انه يوم حظك و لقد تم اختيارك دون عن البشر أجمع لتكون الفائز الوحيد. و يريدون منك أن ترسل لهم أسمك و عنوانك و تليفونك و معلومات الاتصال بك.
كل هذا يسمى سكام Scam. السكام كلمة غير كلمة سبام و هناك فرق بالطبع.
سبام – Spam : هى إيميلات تأتيك عبر البريد الالكترونى لترشح لك موقع أو سلعة لتشتريها عبر الانترنت, و هى نوع من انواع التسويق الممنوع, كانت بدايتها فى التسعينيات و كانت لا تتعدى بضع بلايين الايميلات يومياً و لك أن تتخيل انه حسب اخر احصائية وذلك كان ابريل عام 2008 ( هناك اكثر من 100 بليون رسالة سبام او رسالة مزعجة يومياً ).
تم تقسيم معظم رسائل السبام كالتالى:
| 25% | منتجات – Products |
| 20% | تجارية – Financial |
| 19% | جنسية – Adult |
| 9% | سكام – Scams |
| 7% | ادوية صحية – Health |
| 7% | خدمات انترنت – Internet |
| 6% | خدمات ترفيهية – Leisure |
| 4% | كحوليات – Spiritual |
| 3% | اخرى – Other |
سكام – Scam: هى الايميلات التى ترسل بغرض خدعة المستلم, و الايحاء له انه قد كسب شيىء سواء أموال أو يانصيب أو تأشيرة لبلد معين. و فى المقابل يطلب منه وضع معلوماته. أسمه و عنوانه و تليفونه و ما إلى ذلك من معلومات هامة عنه. وهى إيميلات نصب 100%.
كلمة سكام Scam أصلها ايرلندى و التى تعنى “ انها خدعة ” السكام هو الاحتيال على الانترنت فكما تتقدم التكنولوجيا, تتقدم أساليب النصب و الاحتيال.
كيف للشخص الذى يرسل لك سبام او سكام ان يحصل على إيميلك ؟
من غرف الشات, من المواقع الاجتماعية, هناك بعض الفيروسات التى تكون مهمتها تجميع الايميلات.
كل وظيفة المحتال الذى يرسل لك السكام هو ارسال اكبر عدد ممكن من الرسائل اليومية. فهو متأكد ان قليلاً جداً جداً قد يصدقة. و يرسل له رسالة بها معلوماته, و بعدها يبدأ المحتال من إجراء اكثر من وسيلة للحصول على أكبر كم من الأموال من الضحية دون أن تشعر. فى البداية يرسل لك انه لإجراء التحصيل و التسهيل يجب دفع مبلغ معين. ويمكنه إرسال اليك كل المعلومات التى تريدها عن البنك او الجهه التى يرسل لك منها و التى غالباً ما تكون نيجيريا أو جنوب افريقيا. و مع كل مره ترسل مبلغ سيرسل لك وصل استلام و تأكد انه مع كل مره ترسل نقود. سيزيد من وعودة و ان الاموال فى الطريق اليك لتكون من اغنى اغنياء السنبلاوين.
ولكن من يصدق مثل هذه الرسائل ؟
هناك الكثير و إلا لكانت توقفت, هذا يترتب على معادلة ما بداخلك من جشع و حذر, فإذا اعمت النقود عينيك و جعلتك تتخلى على الحذر و التفكير سترسل ما يطلبوه لتحصل على الاموال التى تراها بأعين الجشع. و قد تختلف فى اشخاص اخرى و تكون الطيبة الزائدة. فقد يظن البعض انهم بالفعل ذو حظ جيد لهذه الدرجه, لذلك فكر جيداً ولكى أسهلها عليك:
- لا يوجد شيء على النت يسمى اليانصيب الالكترونى العشوائى.
- الهجرة لأى بلد لا ترسل ايميل اليك دون ان تكون قد قدمت لها, و تكون بالبريد العادى كالهجره لأمريكا ترسل بالبريد العادى لا الالكترو
نى.
- لا يوجد أى بنك يمكنه ان يقوم بإرسال رسالة لمجهول ليقول اه أنه سيرسل له اموال. لأنه ليست لديه الصلاحيات لفتح الحساب حتى و ان توفى العميل.
- لا يوجد اى شخص يمكنه ان يرسل لك اموال او جوائز دون سابق معرفه.
- لا يوجد اى يانصيب على الايميلات.
- فكر من اين لهم بإيميلك ؟ و لماذا تربح شيء لمجرد امتلاكك إيميل ؟ عصر لبان على بابا و الالبومات و ربح العجلة الشقيه انتهى ولا يوجد على الانترنت.
وهناك الكثير من الحالات التى كانت ضحية السكام, فمنهم من ارسل مبالغ كبيره, و منهم من طلب منه الراسل ان يقدم معلوماته الشخصية و بعد ان ارسلها ارسل له بعض الاموال البسيطه و طلب منه الحضور لإستلام امواله بنيجيريا و عندما ذهب تم إختطافه و طلب فدية من اهله.
كيف تتصرف مع إيميلات السبام أو السكام Spam – Scam ؟
معظم إيميلات السبام أو السكام تذهب تلقائى إلى الرسائل المزعجة, ولكن بعضها يكون مع البريد الوارد. و لكن ماذا يمكننا أن نقوم به لنساعد على التقليص من إستلام مثل هذه الرسائل ؟
ببساطه عندما تستلم رسالة مزعجة يمكنك أن تقوم بإختيار المربع الجانبى لإيميل و اختيار Spam من أعلى شريط المهام الموجود بالإيميل.
هذه الصورة توضح أشكال بعض إيميلات السكام.
هذه كانت أهم الاشياء الهامة عن السكام و الفرق بينه و بين السبام, و التى أرجو ان تكون الان ذات صورة أوضح لكم.
هناك الأن أشكال جديده من السكام باللغة العربية و احببت ان اوضحه وهذه صورة لإيميل قد تصلك مثلها عنوانها انك كسبت او فزت او ربحت بمبلغ من المال فى مسابقة مشهوره:
الصورة كما هو موضح, ستجد ان الايميل المرسل منه الرساله إيميل مجانى و ليس تابع لأى شركه كما يزعم الإيميل.
الإيميل الذى يريدونك ان تتصل به هو إيميل مجانى اخر, و التليفون يمكنك عمل بحث عنه ستجد ان هناك من يحذر منه لأنه سكام. ولذلك ارجو ان تأخذو حذركم.
تول بار أنا عربي
ما معنى تول بال-Toolbar ؟ ولماذا تقوم بتحميلها؟
تول بار هى قائمة توجد بها ايكونات تسهل عليك مجهود البحث عنها, كمثال: موقع معين تقوم بفتحة كل يوم مثل جوجل, بدلاً من ان تقوم بكتابتة كل مره تريد ان تبحث عن شيىء يمكنك الحصول على تول بار بها خاصية البحث بجوجل لتتمكن من كتابة الكلمة مباشرةً و البحث بخطوه بدلاً من اثنين.
ولهذا قد قمت بتصميم تول بار خاصة لزوار المدونة هنا, وهى ليست خاصة بالمدونة فقط, فكما سترى لها وظائف أخرى كوظيفة البحث فى جوجل ,وويكيبديا ,و راديو ووظائف أخرى اتمنى ان تنال على اعجابكم.
لوجوراما Logorama حينما تجتمع الشعارات مكونة فيلم قصير
لظروف سفري لم اجد وقت لكتابة درس جديد فأحببت ان تكون هذه التدوينة قصيرة و راحة فى نفس الوقت لى و لكم. شاهدت فيلم قصير حائز على الأوسكار لعام 2010 كأفضل فيلم متحرك قصير, و الحائز على أفضل فيلم قصير بستوك هولم عاصمة المملكة السويدية, الفيلم بعنوان لوجوراما Logorama الفيلم عبارة عن لوجوهات و شعارات عالمية مجمعة سوياً داخل فكرة الشرطة التى تتبع مجرم مسلح إقرأ المزيد
كيف تقوم بتحميل فيديو من اليوتيوب
شرحنا بالدرس السابق كيفية الإشتراك باليوتيوب و كيفية تصميم القناة الخاصة بنا. ماذا عن تحميل فيديوهات من اليوتيوب؟
كثيراً ستجد فيديو نادراً أو تود ان نحتفظ ببعض الفيديوهات المفضله لدينا باليوتيوب على الجهاز لنشاهدها مباشرةً من الجهاز و ليس من اليوتيوب. أو حتى تحميل بعضها على الموبيل الخاص بك, هناك الكثير من المواقع التى تجعلك قادراً على تحميل الفيديو على جهازك بأكثر من صيغه, والصيغه هنا بمعنى أن الملفات التى تعمل على الجهاز قد لا تعمل على الموبيل, و العكس و يلزمك احياناً برامج لتشغيل فيديو.
فيلم الباب و شكر خاص
انتهيت منذ بضعة أيام من مشاركتى فى تجربة هى الأولى من نوعها بالنسبة لى, و ربما للعديد من غيري.
كان من حسن حظى أن اشارك فى عمل عظيم للطبيب اللامع والشاب العبقري د.محمد عبدالحافظ, كان حلمه منذ أن كان طفلا فى ان يقوم بعمل فيلم ذو نقاء و جودة ينافس الأفلام السينمائية العالمية, علما بأنه لم يقم بأي تجربة اخراجية سابقة.و الهدف هو اثبات انه يمكنك تحقيق حلمك حتى وان بدا مستحيل بكل المقاييس.
إقرأ المزيد
Loading ...
